ခင်ဗျား အနေနဲ့ ဒီနေရာမှာ နေမယ်ဆိုရင် အင်တာနက် သုံးတတ်ဖို့တော့ လိုအပ်ပါတယ်။

ခင်ဗျား အနေနဲ့ ဒီနေရာမှာ နေမယ်ဆိုရင် အင်တာနက်

 သုံးတတ်ဖို့တော့ လိုအပ်ပါတယ်

သူရဿဝါ

ခင်ဗျား အနေနဲ့ ဒီနေရာမှာ နေမယ်ဆိုရင်
အင်တာနက် သုံးတတ်ဖို့တော့ လိုအပ်ပါတယ်။
အင်တာနက် ဆော့တာ မဟုတ်ဘူး၊ အင်တာနက် ကြည့်တာ မဟုတ်ဘူး
အင်တာနက် အသုံးပြုတာပါ။

ခင်ဗျား အနေနဲ့ အင်တာနက် သုံးတတ်မယ် ဆိုရင်
ကမ္ဘာကျော် အဆိုတော်ရဲ့ ဈာပနကို အင်တာနက်ကနေ တစ်ဆင့်
လိုက်ပါပို့ဆောင်ခွင့် ရနိုင်မှာ ဖြစ်သလို
ခင်ဗျားရဲ့ ဈာပနာဟာ ဘယ်နေ့ဖြစ်တယ် ဆိုတာကိုလည်း
အင်တာနက်က တစ်ဆင့် သိကောင်း သိနိုင်ပါလိမ့်မယ်။

ခင်ဗျား ဘာကို ရရှိသလဲ ဆိုတာဟာ
ခင်ဗျား ဘာကို ရှာဖွေသလဲ ဆိုတာပဲဖြစ်လို့
What you get is what you search ဖြစ်လို့
ခင်ဗျား အနေနဲ့ ဒီမှာ နေမယ်ဆိုရင်
အင်တာနက် သုံးတတ်ဖို့ လိုအပ်ပါတယ်။

ဘာပဲလိုလို ရန်ကုန် လမ်းညွှန်မှာ ရှိတယ်ဆိုတာက အစ အင်တာနက်မှာ ရှိတဲ့အတွက်
ခင်ဗျား ဘယ်နေရာမှာ ရှိနေတယ်ဆိုတာ အဆုံး အင်တာနက်မှာ ရှိတဲ့အတွက်
ဒီနေရာမှာ နေမယ် ဆိုရင်တော့ ခင်ဗျား အင်တာနက် သုံးတတ်ဖို့ လိုအပ်ပါတယ်။

အင်တာနက်မှာ ထေရ၀ါဒ ဗုဒ္ဓဘာသာ ရှိပြီး
အင်တာနက်မှာ ယေရှုဘုရား သခင်လည်း ရှိပြီး
အင်တာနက်မှာ ဒေ၀ဒတ်ရော မာရ်နတ်ပါ ရှိပြီး
အင်တာနက်မှာ ယုဒလည်း ရှိပါတယ်။

ခင်ဗျား အနေနဲ့ အင်တာနက် သုံးတတ်မယ်ဆိုရင် ဒီနေရာမှာ
ကမ္ဘာကျော် တိုက်တန်းနစ် သင်္ဘောကို တွေ့ရှိနိုင်သလို
သာမညောင်ည အာဖရိက တောတွင်းတစ်နေရာက
လူမမည် ကပ္ပလီအမျိုးသားလေးကိုလည်း တွေ့ရှိနိုင်ပါတယ်။
What you see is what you search ဖြစ်လို့
ဗင်းဆင့်ဗန်ဂိုးရဲ့ ပြတ်ထွက်သွားတဲ့ နားရွက် တစ်ဖက်ကို တွေ့ရှိနိုင်ပြီး
လီယိုနာဒို ဒါဗင်ချီရဲ့
မိုနာလီဇာ အပြုံးကိုလည်း တွေ့ရှိနိုင်ပြီး
ဟိုးနှစ် သန်းပေါင်းများစွာက ဒိုင်နိုဆော အစွယ်ကိုလည်း တွေ့ရှိနိုင်ပါတယ်။

အင်တာနက်မှာ ဘိုးဘိုးအောင်ရှိ၊ နီရူဒါရှိ၊ အင်ဂျလီနာဂျိုလီလည်းရှိ၊
ခရစ်စတီယာနို ရိုနယ်လ်ဒိုလည်း ရှိသလို
ဖောက်တံ မလိုတဲ့ ၀မ်းတီး နို့ဆီလည်း ရှိပါတယ်။
ခေတ်လွန် သိပ္ပံ အက်ရှင်ကားတွေ ရှိသလို
သမိုင်းဝင် မှတ်တမ်းမှတ်ရာတွေ ရှိပါတယ်။
What you do is what you want ဖြစ်လို့
ဒီနေရာမှာ နေမယ်ဆိုရင်
ခင်ဗျား သဘောကျတဲ့၊ သဘော မကျတဲ့ ဒေးဗစ် ဘက်ခမ်းဆီကိုလည်း စာပေးစာယူ လုပ်လို့ ရပါတယ်။
ဟာသ သရုပ်ဆောင် မစ္စတာဘီးန်ကို ဝေဖန် နိုင်သလို
ခင်ဗျား ကိုယ်တိုင်လည်း မစ္စတာဘီးန် ဖြစ်သွားအောင်
ပြုပြင် တပ်ဆင်နိုင်ပါတယ်။

အင်တာနက်က ပိုးမွှားတွေကို သတ်ခြင်းအားဖြင့် ပါဏာတိပါတာကံ ကျူးလွန်ပြီးသား ဖြစ်သလို
နိုင်ငံရပ်ခြားက မသန်မစွမ်း ကလေးငယ်အတွက် ဒေါ်လာတွေ ရအောင် မဆီမဆိုင်
ခင်ဗျား အလှူခံ ပေးနိုင်မှာဖြစ်ပါတယ်။

အင်တာနက်မှာ ခင်ဗျား ကြိုက်တာတွေ လုပ်လို့လည်း ရပြီး ခင်ဗျား မကြိုက်တာတွေလည်း
လုပ်လို့ရတဲ့ အတွက်
အသက် ၁၈ နှစ်အောက် မကြည့်ရ စာမျက်နှာတွေပေါ် အသက် ၁၈ နှစ် မပြည့်သေးဘဲ ၀င်ရောက် နေနိုင်ပါတယ်။
ခင်ဗျား အလိုဆန္ဒရှိရင် ခင်ဗျားရဲ့သွေးသားကိစ္စ အတွက် အင်တာနက်ကို ကြားခံအဖြစ် အသုံးချနိုင်ပြီး ခင်ဗျားသဘော ဆန္ဒ မပါဘဲနဲ့လည်း
ခင်ဗျားရဲ့ အနုပညာလက်ရာ အချို့ ခိုးယူခံ ရနိုင်ပြီး
ဒါတွေ အားလုံးအတွက်
ခင်ဗျား အင်တာနက် သုံးတတ်ဖို့လိုပါတယ်။

ခင်ဗျား အနေနဲ့ ဒီနေရာမှာ
အင်တာနက်လည်း သုံးတတ်မယ်
ကံလည်းကောင်းမယ် ဆိုရင်
ကျွန်တော်နဲ့ အင်တာနက်မှာ စကားစမြည် ပြောဆိုလို့ရပြီး
ကံဆိုးမယ် ဆိုရင်တော့
ကျွန်တော့်ကဗျာတွေကို ဖတ်ရှုခွင့်ရမှာ ဖြစ်လို့
ခင်ဗျား အနေနဲ့ ဘာပဲဖြစ်ဖြစ် ဆောင်ထားဖို့တော့ လိုအပ်ပါတယ်။
ခင်ဗျား အနေနဲ့ ဒီနေရာမှာ အင်တာနက် သုံးတတ်မယ်ဆိုရင်
မျက်စိရှင်ရှင် ထားဖို့ လိုအပ်ပြီး
လိုအပ်လာရင်လည်း
ဟိုကျော်ဒီခွ လုပ်တတ်ရမှာ ဖြစ်သလို
ခင်ဗျားဟာ
အနံ့အသက် တချို့ ကင်းရှင်းရပါမယ်။

နောက်ဆုံးအနေနဲ့ ခင်ဗျား ဒီမှာ နေမယ်ဆိုရင်တော့ အင်တာနက် သုံးတတ်ဖို့ လိုအပ်မှာ ဖြစ်ပြီး
အထက်ပါ ကိစ္စတွေ အားလုံးကို
ကျူးလွန်နိုင်မှာ ဖြစ်ပြီး
ခင်ဗျား ဒီမှာနေမယ် ဆိုရင်
အင်တာနက် မသုံးတတ်တာ အရေး မကြီးတဲ့ ကိစ္စ ဖြစ်သလို
အထက်ပါ ကိစ္စတွေ အားလုံးကိုလည်း
အင်တာနက် မသုံးတတ်ဘဲ
ကျူးလွန်ချင်ရင် ကျူးလွန် နိုင်မှာပဲ ဖြစ်ပါတယ်။

သူရဿဝါ

(ရွှေအမြုတေ မဂ္ဂဇင်း၊ အောက်တိုဘာလ ၂၀၁၀)