သခင်

သခင်

ကိုဇော်ငြိမ်း

မဲဆောက်...တဲ့
စွဲလောက်စရာ အပျော်များက
စိတ်အစဉ်ကို ကြည်စား
ဘဝင်များတောင် ဖိုမိပါရဲ့
ရောင်သွေးစုံစွာ တနင်္ဂနွေ ညနေဈေးမှာ
အိုတီ ပိတ် သူပိတ်...ဟိုဒီ ဒိတ် သူဒိတ်
တပါတ်စာ ဟင်းစား ဝယ် သူဝယ်
ရွာအကြောင်း သတင်းစကား သယ် သူသယ်နဲ့
ခန့်ညားနေတဲ့ တနင်္ဂနွေညနေ
အင်း........ကြည့်ရတာ
အပျင်းတော့ ပြေလောက်ပါတယ်လေ........။

                                             ဒီလိုပါပဲ....
လုပ်ကိုင်စားရ ရွှေ့ပြောင်းဘဝတွေ
ပုလိပ်ကြောက်ရ သပိတ်မှောက်မရနဲ့
ရတဲ့ လစာလေး ကျစ်လစ်
အလုပ်ချိန်တွေ ပိုနေလည်း မငြီး
ပိတ်ရက်မရှိလည်း မပြော
ရက်ပေါင်တွေများလည်း စောင့်ဆိုင်း
သီးခံမှုတွေရဲ့ တံတိုင်း ရွှေ့ပြောင်းဘဝတွေကို
ဝိုင်းထား လေရော့ သလားကွယ်......။

အရိုင်းစကားအနေနဲ့ ပြောရင်
ငွေဝယ်ကျွန်ပမာ...
မိုးလင်းက မိုးချုပ် လုပ်ရတာ
ရသည့်လစာ တပဲခြောက်ပြား
အိမ်ပြန် မပို့ဖြစ်တာကများ
ဟဲ့ ...နင်တို့သုံးဖြုန်းနေသလား မောင်လုပ်မောင်စား
တကယ်ပါဗျာ...
ပိတ်ရက်ဆို ဘယ်မှ မသွား
အဆောင်မှာ ကုတ်နေတာက များပါတယ်
အားပါတယ်ဆိုတဲ့ အချိန်
ဖါးရှာငါးရှာ..ဟင်းရွက်ကန်ဇွန်းမကျန်ပါ
ရွှေ့ပြောင်းဘဝ တစေ့တစောင်းလောက်မပါလို့
ကယ်မယ့်သူတွေကိုမျှော်
ရောက်လာတာက ပုလိပ်တွေပါနော်........။

အဲဒီလိုနဲ့ပဲ........
အရှက်ပေးသွားရသူတွေ
အသက်ပေးသွားရသူတွေ
အားလုံး သိတာရှိသလို
တောတောင်ထဲမှာ စတေးသွားရတာတွေလည်း
ရှိခဲ့ဘူးပြီလေ..
ငိုခဲ့ဘူးတဲ့ ထရံနောက်က ရှိုက်သံ
ဝမ်းရေးအတွက် စည်းချက်သံမြန်နေတယ်
မှန်နေတယ်ဆိုတဲ့ ယမကာဝိုင်း
ဒါတနေ့တာ ပင်ပန်းမှုရဲ့ ဒီဇိုင်း
ဖခင်ပြန်လာချိန်ကို မျှော်နေတဲ့ ကလေးငယ်
လက်မလေးကို စုပ်နေရှာတယ်
တောင်ယာတခုရဲ့ မီးဖိုဘေးမှာ
မိသားတစု ထမင်းလွေးနေတယ်
အေးနေတယ်ဆိုတဲ့ ညချမ်း
ညည့်ငှက်လေးတွေ ပမ်းနေတယ်
လန်းနေတယ်ဆိုတဲ့ည အိုတီပိတ်ညနေ
ဘဝ အမောတွေ ဝေ

ဟန်ဆောင်မှု မျက်နှာဖုံးတွေ

ပျားပန်းခပ်မျှ ပြုံးနေတယ်.......။                                                                                                          

ကွယ်............
လစာထုတ်ရက် အကြွေးတောင်းသံ
စက်ရုံဝင်းကျင်မှာ ညံနေတယ်
လုပ်ငန်းခွင်တိုင်းမှာ ရင်ခုန်သံတွေ မြန်နေတယ်
တောင်ယာထဲက ဆွေးမြည့်တေးတပုဒ်
လွမ်းရောင်သန်းတဲ့ ရှမ်းတောင်တန်းမှာ မှေးငုတ်နေတယ်
ငိုရှိုက်.....ရယ်မော....ကြည်နူး........ဝမ်းနဲ
ဒါ...ရွှေ့ပြောင်းဘဝတွေပဲ.........။

ကဲ....ရွှေမြန်မာများ
အမိမြေကို လွမ်းနေမယ့်အစား
သူများပြည်မှာ ကျွန်ခံလင့်ငြား
သခင် စိတ်ဓါတ်တွေကို
ဘဝင်ထိပ်မှာ တပ်ပါလို့
ကိုယ့်လူမျိုးခြင်း ရိုင်းပင်း
တယောက်ဒုက္ခ တဦးမျှဝေ
ချစ်ခင် ညီညွတ်စွာနဲ့
(ပြည်ထောင်စု ဆိုတဲ့ စိတ်ထား)
ရွှေ့ပြောင်းတိုင်းရဲ့ ရင်ထဲမှာထားရင်လေ
ရွှေပြည်ကြီး မဝေးတော့ပါဘူး
သွေးနှီးကာသာ စည်းလုံးသွား
( သခင် ) ဆိုတဲ့ ဗမာပြည်သား
ကမ္ဘာ့အလယ်မှာ
ဂုဏ်ယူဝင့်ကြွား......သွားကြပါ စို့လား..........။