ယုန်မရှိတဲ့တော

ယုန်မရှိတဲ့တော
နိုဖန်


ဟိုးမှာမြင်နေရတယ်
သူယောင်မယ်တော့
မဟုတ်လေဘူး.....................
အဆင်တန်ဆာအပြည့်နဲ့
ဇီဝဇိန်ခြွှေမဲ့သူတွေလေ။............................ ......

ဟိုးမှာမြင်နေရတယ်
တဖြုတ်ဖြုတ်ပဲ့ကြွေလာတဲ့
နှလုံးသားတစ်စုံကိုကိုင်ရင်း
သွေးအန်နေတဲ့သူ
လူလို့တောင်ဆိုနိုင်ဖွယ်ရာမရှိ။.................... .........

ဟိုးမှာမြင်နေရတယ်
မဲမဲမြင်မရအောင်
တုပ်တတ်တဲ့ပျားတွေလေ
ငါကတော့
အလုပ်မလုပ်တဲ့သူလို့
သတ်မှတ်တယ်။....................................... ........

ဟိုးမှာမြင်နေရတယ်
ဖြူဖွေးဖွေးနှင်းတောထဲ
ထမင်းထိုင်စားနေရတဲ့အဖြစ်
မင်းတုန်းမင်းစားတော်ပွဲလေအလား
ငါ့ကိုယ်ငါ ဘာမှန်းမသိခဲ့ပါ.............................. .....

ဟိုးမှာမြင်နေရတယ်
တစ်ခါမကတော့တဲ့
သံယောဇဉ်ဟင်းချိုနဲ့
သွေးပျက်နေတဲ့တောကြီးထဲမှာ
အားအင်တွေချိနဲ့ခဲ့ပြီ............................. .............

ဟိုးမှာမြင်နေရတယ်
အထိတ်တလန့်နဲ့ပေါ့
အသက်ရှုခွင့်ရပ်တန့်ပေးပါလို့
တောင်းဆိုနေတဲ့သူ
ဒါဟာလက်နက်ချခြင်းလား
ထွက်ပေါက်အဆုံးလား................................. .....

ဟိုးမှာမြင်နေရတယ်
ကုလားနက်ဖုံးအုပ်ထားတဲ့
ညတွေထဲမှာ
တကြုပ်ကြုပ်မြည်နေတဲ့
အစာအိမ်ထဲကို
အောက်ဆီဂျင်ဆိုတဲ့အရာတွေပဲ
ဖြည့်သိပ်ရင်း
ဒါတွေဟာ မျှော်လင့်ခြင်းတွေလား........................ ....

ဟိုးမှာမြင်နေရတယ်
မျှော်လင့်ခြင်းမဲ့
ချောက်နက်ထဲမှာ
လေဟုန်ထဲလွင့်မျောရင်း
ဒါလားဟဲ့
ဘ၀မှားဆိုတာ
အဖြေရှာပေးကြပါ.................................... ................

0 comments:

Post a Comment